.png)
Block 2 Unit 5
THREATS TO BIODIVERSITY
* Threats to biodiversity( ജൈവവൈവിധ്യം നേരിടുന്ന ഭീഷണികൾ )
വനനശീകരണവും മനുഷ്യൻ്റെ ഇടപെടലും മൂലം സംഭവിക്കുന്ന ആവാസവ്യവസ്ഥയുടെ നാശമാണ് പ്രധാന ഭീഷണികളിൽ ഒന്ന്.ആവാസവ്യവസ്ഥയുടെ നാശം, ആവാസവ്യവസ്ഥയുടെ തകർച്ച, ശിഥിലീകരണം, അധിനിവേശ അന്യഗ്രഹജീവികളുടെ കടന്നുവരവ്, കാലാവസ്ഥാ വ്യതിയാനം,ആവാസവ്യവസ്ഥയിലെ മാറ്റം, പോഷകമലിനീകരണം, അമിതമായ ചൂഷണം എന്നിവയാണ് ജൈവവിധ്യ ഭീഷണിയുടെ പ്രധാന കാരണങ്ങൾ.
* Habitat loss ( ജൈവവൈവിധ്യ നാശം)
ആവാസ വ്യവസ്ഥയുടെ നാശത്തിന്റെ പ്രാഥമിക ഫലം ജൈവവൈവിധ്യം കുറയുന്നതാണ്. ഒരു മൃഗത്തിന് അതിജീവിക്കാൻ ആവശ്യമായ സ്വാഭാവിക ഭവനമോ ആവാസവ്യവസ്ഥയോ നഷ്ടപ്പെടുമ്പോൾ അതിന്റെ എണ്ണം അതിവേഗം കുറയുകയും അത് വംശനാശത്തിലേക്ക് നീങ്ങുകയും ചെയ്യുന്നു. ഇരുപതാം നൂറ്റാണ്ടിന്റെ അവസാന പകുതിയിൽ ആവാസവ്യവസ്ഥയെ മനുഷ്യർ നശിപ്പിക്കുന്നതിന്റെ വേഗത കൂടി.
* Poaching wildlife ( വന്യജീവി വേട്ട)
മറ്റൊരു പ്രധാന ജൈവവൈവിധ്യ ഭീഷണിയാണ് വന്യജീവി വേട്ട. ആന,കണ്ടാമൃഗം തുടങ്ങിയ മൃഗങ്ങളും ചില പല്ലികളും, കുരങ്ങുകളും ഉൾപ്പെടെയുള്ള ചെറു ജീവികളും വേട്ടയാടൽ ഭീഷണി നേരിടുന്നുണ്ട്. വ്യാപാര - വാണിജ്യ ആവശ്യങ്ങൾക്കായി വന്യമൃഗങ്ങളെ വേട്ടയാടുന്നത് കഴിഞ്ഞ കുറെ പതിറ്റാണ്ടുകളായി വർധിച്ചു വരികയാണ്.
* Man -wildlife conflict ( മനുഷ്യ- വന്യജീവി സംഘർഷം )
മനുഷ്യ -വന്യജീവി സംഘർഷം എന്നത് മനുഷ്യരും മൃഗങ്ങളും തമ്മിലുള്ള ഇടപഴകലിനെയും അതിൻ്റെ ഫലമായി അവ രണ്ടിനെയും പ്രതികൂലമായി ബാധിക്കുന്ന ഘടകങ്ങളെയും സൂചിപ്പിക്കുന്നു. World wide fund for nature (WWF ) ഈ സംഘർഷത്തെ മനുഷ്യനും വന്യജീവികളും തമ്മിലുള്ള എല്ലാ ഇടപെടലുകളും എന്ന് നിർവചിക്കുന്നു.അത് മനുഷ്യൻ്റെ സാമൂഹിക, സാമ്പത്തിക, സാംസ്കാരിക ജീവിതത്തെയും, വന്യജീവികളുടെ സംരക്ഷണത്തെയും, പരിസ്ഥിതിയെയും പ്രതികൂലമായി ബാധിക്കുന്നു. 2050 ആകുമ്പോഴേക്കും മനുഷ്യന്റെ പ്രവർത്തനങ്ങൾ ഏകദേശം 10 ദശലക്ഷം ജീവികളെ ഇല്ലാതാക്കാൻ സാധ്യതയുണ്ടെന്ന് ശാസ്ത്രജ്ഞർ കണക്കാക്കുന്നു.
* Rare species( അപൂർവ്വ സ്പീഷീസ്)
ഇത്തരം സ്പിഷീസുകൾ അടിസ്ഥാനപരമായി അപൂർവ്വമായി കണ്ടുമുട്ടുന്ന സ്പീഷീസുകൾ ആണ്.ഈ പദവി നൽകുന്നത് സംസ്ഥാന സർക്കാറോ, പ്രവിശ്യകളോ ആണ്.അപൂർവയിനങ്ങളെ വംശനാഷണ ഭീഷണിയുള്ള ജീവികളായി കണക്കാക്കുന്നു. കാരണം ഒരു ചെറിയ വിഭാഗത്തിന് പാരിസ്ഥിതിക ദുരന്തങ്ങളിൽ നിന്ന് കരകയറാൻ സാധ്യമല്ല. The International Union for Conservation of Nature (IUCN) ഒറ്റപ്പെട്ട ഭൂമിശാസ്ത്രപരമായ സ്ഥലങ്ങളിൽ കാണപ്പെടുന്ന ജീവിവർഗങ്ങളെ സൂചിപ്പിക്കാൻ അപൂർവ്വം എന്ന പദം ഉപയോഗിക്കുന്നു. ഇവയെ വംശനാശഭീഷണി നേരിടുന്നവയായി തരംതിരിച്ചിട്ടില്ല എന്നാൽ അപകടസാധ്യതയുള്ളവ എന്ന് തരംതിരിച്ചിരിക്കുന്നു.
* Threatened species
( വംശനാശഭീഷണി നേരിടുന്ന ഇനങ്ങൾ)
IUCN വംശനാശഭീഷണി നേരിടുന്ന ജീവിവർഗങ്ങളെ അവ എത്രത്തോളം ഭീഷണി നേരിടുന്നു എന്നതിന്റെ അടിസ്ഥാനത്തിൽ മൂന്ന് വിഭാഗങ്ങളായി തിരിച്ചു. ദുർബലമായവ, വംശനാശഭീഷണി നേരിടുന്നവ,ഗുരുതരമായ വംശനാശഭീഷണി നേരിടുന്നവ എന്നിവയാണവ.
* Critically endangered species ( ഗുരുതരമായ വംശനാശഭീഷണി നേരിടുന്നവ) IUCN നിർദ്ദേശിക്കുന്നത് ഏറ്റവും ഉയർന്ന അപകടസാധ്യതയുള്ള വിഭാഗമാണ് ഗുരുതരമായ വംശഭീഷണി നേരിടുന്നവ എന്നാണ്. വന്യജീവികളിൽ വംശനാശത്തിൻ്റെ വളരെ ഉയർന്ന അപകടസാധ്യത നേരിടുന്നവയാണിവ.
# Extinct species ( വംശനാശം സംഭവിച്ച ഇനങ്ങൾ):
ഒരു പ്രത്യേക മൃഗത്തിന്റെയോ സസ്യജാലത്തിൻ്റെയോ വംശനാശം സംഭവിക്കുന്നത് ആ ഇനത്തിൽപ്പെട്ട ജീവികൾ ലോകത്തെവിടെയും ജീവിനോടെ ഇല്ലാതിരിക്കുമ്പോഴാണ്.
* Endangered species( വംശനാശഭീഷണി നേരിടുന്ന ജീവിവംശം)
വംശനാശഭീഷണി നേരിടുന്ന ജീവിവർഗങ്ങൾ എന്നത് അതിൻ്റെ ജനസംഖ്യയിൽ വളരെ പെട്ടെന്നുള്ള കുറവോ ആവാസ വ്യവസ്ഥയുടെ നിർണായകമായ നഷ്ടമോ കാരണം വംശനാശത്തിന് സാധ്യതയുള്ള ജീവികളാണ്.
* Vulnerable species( ദുർബലമായ ഇനം)
ഒരു ജീവിവർഗത്തിൻ്റെ നിലനിൽപ്പിനും പ്രത്യൽപാദനത്തിനും ഭീഷണിയായ സാഹചര്യങ്ങൾ മെച്ചപ്പെട്ടില്ലെങ്കിൽ നേരിടാൻ സാധ്യതയുള്ളതായി IUCN വർഗീകരിച്ചിരിക്കുന്ന ഒരു ജീവിവർഗ്ഗമാണ് ദുർബലമായ സ്പീഷീസ്.
* Endemic species ( പ്രാദേശികമായ സ്പീഷീസ്)
ഒരു പ്രത്യേക ഭൂമിശാസ്ത്രപരമായ പ്രദേശത്ത് മാത്രം നിലനിൽക്കുന്ന സസ്യങ്ങളും മൃഗങ്ങളും ആണ് പ്രാദേശിക സ്പീഷിസ്. കാലാവസ്ഥ വ്യതിയാനം, നഗരവികസനം, അതുപോലെയുള്ള മറ്റ് സംഭവങ്ങൾ എന്നിവ കാരണം ഒരു പ്രത്യേക പ്രദേശത്തേക്ക് പരിമിതപ്പെടുത്തിയിരിക്കുന്നആവാസവ്യവസ്ഥയിലായതിനാൽ പ്രാദേശിക സ്പീഷ്യസുകൾ വളരെ പ്രധാനമാണ്. ഇവയെ തദ്ദേശീയ സ്പീഷ്യസുകൾ എന്നും വിളിക്കും. മനുഷ്യ സ്വാധീനം ഇല്ലാത്ത ഒരു പ്രദേശത്താണ് ഉണ്ടാവുക എന്നതാണ് ഈ ഇനം തദ്ദേശീയമായതിന്റെ ഒരു പ്രധാന വശം.
* Keystone species ( കേന്ദ്ര സ്പീഷീസ്)
ഒരു ആവാസ വ്യവസ്ഥയിലെ ചില ജീവിവർഗങ്ങൾ ആ ആവാസ വ്യവസ്ഥയിലെ മറ്റ് പല ജീവജാലങ്ങളുടെയും സാന്നിധ്യം നിർണയിക്കുന്നതിനാൽ കൂടുതൽ പ്രധാനമായി കണക്കാക്കപ്പെടുന്നു. ഇത്തരം ജീവികൾക്ക് സംരക്ഷണത്തിൽ വളരെയധികം പരിഗണന നൽകപ്പെടുന്നു. ഇവയുടെ നഷ്ടം മൊത്തം ആവാസവ്യവസ്ഥയുടെ തന്നെ നാശത്തിന് കാരണമാകും.
* Foundation species ( അടിസ്ഥാന സ്പീഷീസുകൾ)
സമൃദ്ധിയുടെയും സ്വാധീനത്തിൻ്റെയും അടിസ്ഥാനത്തിൽ ഒരു ആവാസവ്യവസ്ഥയിലെ പ്രധാന നിർമ്മാതാവാണ് ഫൗണ്ടേഷൻ സ്പീഷീസ്.
* Flagship species ( മുൻനിര ഇനം )
പരിസ്ഥിതി സംരക്ഷണത്തിനായി തിരഞ്ഞെടുത്ത ജീവിവർഗങ്ങളാണ് ഇതിൽ
ഉൾപ്പെടുന്നത്.പൊതുജനങ്ങളിൽ നിന്ന് പിന്തുണയും അധികാരവും ജനിപ്പിക്കുന്നതിനായി ഈ ഇനങ്ങളെ അവയുടെ ദുർബലത,ആകർഷണം, വ്യതിരിക്തതഎന്നിവ പരിഗണിച്ചാണ് തെരഞ്ഞെടുക്കുന്നത്.ഇന്ത്യൻ കടുവ ഇതിനൊരുദാഹരണമാണ്.
# The Red Data:
വംശനാശഭീഷണി നേരിടുന്നതും അപൂർവ്വവുമായ സസ്യങ്ങൾ, മൃഗങ്ങൾ, ഫംഗസുകൾ കൂടാതെ ഒരു പ്രത്യേക പ്രദേശത്ത് നിലവിലുള്ള ചില പ്രാദേശിക ഉപജാതികൾ എന്നിവ രേഖപ്പെടുത്തുന്നതിനായി തയ്യാറാക്കിയിട്ടുള്ള ഒരു പൊതു രേഖയാണിത്. ഗവേഷണങ്ങൾക്കും പഠനങ്ങൾക്കും പൂർണ്ണവിവരം നൽകുന്നതിനും അപൂർവ്വവും വംശനാശഭീഷണി നേരിടുന്നതുമായ ജീവജാലങ്ങളെയും അവയുടെ അവസവ്യവസ്ഥകളെയും കുറിച്ചുള്ള പ്രോഗ്രാമുകൾ നിരീക്ഷിക്കുന്നതിനും റെഡ് ഡാറ്റ ബുക്ക് സഹായകമാണ്. വംശനാശത്തിന്റെ വക്കിലുള്ള ജീവിവർഗങ്ങളെ തിരിച്ചറിയുന്നതിനും സംരക്ഷിക്കുന്നതിനും ആണ് ഈ പുസ്തകം പ്രധാനമായും തയ്യാറാക്കിയിട്ടുള്ളത്. 1961 നും 1964 നും ഇടയിൽ റഷ്യയിലെ ബയോളജിസ്റ്റുകളുടെ ഗവേഷണ റിപ്പോർട്ടാണ് റഷ്യൻ ഒറിജിനായിട്ടുള്ള ഈ പുസ്തകം. Red Data Book of the Russian Federation(RDBRF) എന്നാണ് ഇതിൻ്റെ യഥാർത്ഥ പേര്. ജൈവ ജീവജാലങ്ങളുടെ ആഗോള സംരക്ഷണ നിലയുടെ ലോകത്തിലെ ഏറ്റവും വിശദമായ ഒരു വിവരകേന്ദ്രമാണ്IUCN. 1948 ലാണ് ഇത് സ്ഥാപിച്ചത്. ജീവിച്ചിരുന്ന എല്ലാ ജീവജാലങ്ങളുടെയും പൂർണ്ണമായ രേഖ നിലനിർത്തുക എന്നതാണ് IUCN ൻ്റെ ലക്ഷ്യം. Red Data Book ഇൽ വർണ്ണ കോഡ് ചെയ്ത വിവരശീറ്റുകൾ അടങ്ങിയിരിക്കുന്നു. അവ പല ജീവിവർഗങ്ങളുടെയും ഉപജാതികളുടെയും വംശനാശ സാധ്യത അനുസരിച്ച് ക്രമീകരിച്ചിരിക്കുന്നു.
Kommentare