Foundational Skills for Reserch and writing Block - 2 Unit - 3

Ethical practices in Reserch

തയ്യാറാക്കിയത് : നീന കുര്യൻ

short Answers

1.ഗവേഷണത്തിൽ ധാർമ്മിക മാർഗ്ഗനിർദ്ദേശങ്ങൾ ഉണ്ടായിരിക്കുന്നതിന്റെ ഉദ്ദേശ്യം എന്താണ്?

ഗവേഷണത്തിൽ പങ്കെടുക്കുന്നവരുടെ അവകാശങ്ങളും ക്ഷേമവും സംരക്ഷിക്കുക, ഗവേഷണ കണ്ടെത്തലുകളുടെ സമഗ്രതയും വിശ്വാസ്യതയും നിലനിർത്തുക, ഗവേഷകരുടെയും സ്ഥാപനങ്ങളുടെയും പ്രശസ്തി ഉയർത്തിപ്പിടിക്കുക ,എന്നിവയാണ് ഗവേഷണത്തിൽ ധാർമിക മാർഗ്ഗനിർദ്ദേശങ്ങൾ ഉൾപ്പെടുത്തിയിരിക്കുന്നതിന്റെ ലക്ഷ്യം .നൈതികത ഉത്തരവാദിത്വമുള്ള ഗവേഷണത്തിന് പ്രേരിപ്പിക്കുന്നു

02: ഉദാഹരണ സഹിതം 'ധാർമ്മിക വിഷമം' (ethical dilema)എന്ന ആശയം നിർവചിക്കുക.

ഗവേഷകരെ സംബന്ധിച്ച് വിരുദ്ധങ്ങളായ ധാർമിക ബാധ്യതകൾ സൃഷ്ടിക്കുന്ന സാഹചര്യങ്ങളെയാണ് ധാർമികമായ വിഷമം എന്ന് സൂചിപ്പിക്കുന്നത് .ഈ സാഹചര്യത്തിൽ ലഭ്യമായ ഫലങ്ങളിൽ നിന്ന് ഒന്ന് തെരഞ്ഞെടുക്കുന്നത് കാരണം ഉണ്ടാകുന്ന അനന്തരഫലങ്ങൾ ഖേദകരമായേക്കാം .ഉദാഹരണത്തിന് ഗാർഹിക പീഡനത്തെക്കുറിച്ച് പഠിക്കുന്ന ഗവേഷകർക്ക് ഇരയെ സംരക്ഷിക്കുന്നതിനായി നിലവിൽ ഗാർഹിക പീഡനം നടന്നത് പോലീസ് റിപ്പോർട്ട് ചെയ്യണോ അതോ പങ്കെടുക്കുന്നയാളുടെ രഹസ്യാത്മകത കാത്തുസൂക്ഷിക്കണോ എന്നത് സംബന്ധിച്ച് തീരുമാനമെടുക്കുന്നത് ധാർമികമായ വിഷമം സൃഷ്ടിച്ചേക്കാം.

03:ഒഴിവാക്കേണ്ട മൂന്ന് പ്രധാന ഗവേഷണ ദുരാചാരങ്ങൾ ഏതൊക്കെയാണ്?

വിവരങ്ങളുടെ കെട്ടിച്ചമയ്ക്കൽ (ഡാറ്റ സൃഷ്ടിച്ചെടുക്കൽ ) വ്യാജവൽക്കരണം (ഡാറ്റയിൽ മാറ്റം വരുത്തൽ )കോപ്പിയടി (മറ്റുള്ളവരുടെ സൃഷ്ടികൾ സ്വന്തം എന്ന നിലയിൽ അവതരിപ്പിക്കൽ ) എന്നിവയാണ് ഒഴിവാക്കേണ്ട മൂന്ന് പ്രധാന ഗവേഷണ ദുർനടപടികൾ ഇവ ഗവേഷണത്തിന്റെ സമഗ്രതയെ തകർക്കുന്നു.

4. ഫാബ്രിക്കേഷൻ ഗവേഷണത്തെ എങ്ങനെ പ്രതികൂലമായി ബാധിക്കുന്നു?

യഥാർത്ഥ തെളിവുകൾ ശേഖരിക്കുന്നതിന് പകരം തെറ്റായ വിവരങ്ങൾ അവതരിപ്പിക്കുന്നതിലൂടെ വിവരങ്ങൾ കെട്ടിച്ചമയ്ക്കൽ ഗവേഷണത്തെ ദോഷകരമായി ബാധിക്കുന്നു ഇത് അറിവ് വികസിപ്പിക്കുന്നതിനുള്ള ഗവേഷണ ലക്ഷ്യത്തെ അസാധുവാക്കുന്നു. അതിനാൽ ഇത് അധാർമികമായി കണക്കാക്കപ്പെടുന്നു.

5:ഒരു ഉദാഹരണം ഉപയോഗിച്ച് വ്യാജവൽക്കരണം എന്ന ആശയം നിർവചിക്കുക.

ചില അവകാശങ്ങളെയോ സിദ്ധാന്തങ്ങളെയോ പിന്തുണയ്ക്കുന്നതിനായി മനപ്പൂർവ്വം വിവരങ്ങളിൽ മാറ്റം വരുത്തുകയോ ഒഴിവാക്കുകയോ ചെയ്യുന്നതാണ് വ്യാജവത്കരണം. ഉദാഹരണത്തിന് ഗവേഷകർ പഠനത്തിൻറെ അനുമാനത്തിന് വിരുദ്ധമായ തെളിവുകൾ ഒഴിവാക്കുകയും പിന്തുണയ്ക്കുന്ന വിവരങ്ങൾ മാത്രം റിപ്പോർട്ട് ചെയ്യുകയും ചെയ്യാം. ഇത് പക്ഷാപാതപരവും തെറ്റിദ്ധരിപ്പിക്കുന്നതുമായ ഫലം നൽകുന്നു.

Q6:വ്യത്യസ്‌ത തരത്തിലുള്ള കോപ്പിയടികൾ എന്തൊക്കെയാണ്?

അതേപടി പകർത്തൽ ,അവലംബം കൂടാതെയുള്ള പരാവർത്തനം, അനുവാദമില്ലാതെ സ്വന്തം കൃതികൾ വീണ്ടും ഉപയോഗിക്കുന്ന സ്വയം കോപ്പിയടി ,സ്രോതസ് ഇടകലർത്തി ചെറിയ മാറ്റങ്ങൾ വരുത്തിയുള്ള കോപ്പിയടി ,അനുചിതമായ രീതിയിൽ അവലംബം നൽകുന്നത് മൂലമുള്ള ആകസ്മികമായ കോപ്പിയടി എന്നിവ ആശയ മോഷണത്തിൽ ഉൾപ്പെടുന്നു.

07:ഗവേഷണ രചനയിൽ കോപ്പിയടി എങ്ങനെ ഒഴിവാക്കാം?

ഉദ്ധരണികളുടെയും അവലംബങ്ങളുടെയും സ്രോതസ്സുകൾ ശരിയായി നൽകുന്നതിലൂടെയും ആശയങ്ങൾ ഉചിതമായി പരാവർത്തനം ചെയ്യുന്നതിലൂടെയും നേരിട്ടുള്ള ഉദ്ധരണികൾക്കായി ഉദ്ധരണി ചിഹ്നങ്ങൾ ഉപയോഗിക്കുന്നതിലൂടെയും സമയം കൃത്യമായി ഉപയോഗപ്പെടുത്തി യഥാർത്ഥ ഉള്ളടക്കം എഴുതാൻ ശ്രമിക്കുന്നതിലൂടെയും കോപ്പിയടി ഒഴിവാക്കാം.

08:ഗവേഷണത്തിൽ കോപ്പിയടിയുടെ അനന്തരഫലങ്ങൾ എന്തൊക്കെയാണ്?

പ്രശസ്തിക്ക് ക്ഷതം ,വിശ്വാസ്യത നഷ്ടപ്പെടൽ ,പ്രസിദ്ധീകരിച്ച സൃഷ്ടി നിരസിക്കൽ ,ബിരുദങ്ങൾ അസാധുവാക്കൽ, പകർപ്പവകാശത്തിനുള്ള നിയമപരമായ പ്രശ്നങ്ങൾ, ധനസഹായവും സഹകരണവും നഷ്ടപ്പെടൽ തൊഴിൽ വളർച്ച ഉണ്ടാകാതിരിക്കൽ , ധാർമികമായ പ്രശ്നങ്ങൾ, എന്നിവ ഗവേഷണത്തിലെ കോപ്പിയടിയുടെ അനന്തരഫലങ്ങളിൽ ഉൾപ്പെടുന്നു.

Q9.ഗവേഷകർ ഉപയോഗിക്കുന്ന ഏതെങ്കിലും രണ്ട് കോപ്പിയടി കണ്ടെത്തൽ ഉപകരണങ്ങളുടെ പേര് നൽകുക.

Turnitin, Ouriginal, iThenticate, PlagScan, Copyleaks, Grammarly, Unicheck,

Plagiarisma, PlagTracker തുടങ്ങിയവയാണ് സാധാരണയായി കോപ്പിയടി കണ്ടെത്താൻ ഗവേഷകർ ഉപയോഗിക്കുന്ന സോഫ്റ്റ്‌വെയറുകൾ.

10:ഗവേഷണത്തിൽ ബൗദ്ധിക സ്വത്തവകാശം എങ്ങനെ പ്രസക്തമാണ്?

പേറ്റന്റുകളും പകർപ്പ് അവകാശങ്ങളും പോലെയുള്ള IPR ഗവേഷകരുടെ നൂതനാശയങ്ങളും സർഗാത്മക സൃഷ്ടികളും സംരക്ഷിക്കുന്നതിനും അംഗീകാരം ഉറപ്പാക്കുന്നതിനും അനധികൃത ഉപയോഗം തടയുന്നതിനും സഹായിക്കുന്നു .ഇത് കണ്ടെത്തലുകൾ ഉത്തരവാദിത്വത്തോടെ പങ്കിടാൻ സഹായിക്കുകയും ചെയ്യുന്നു.

11:ഗവേഷണത്തിലെ പകർപ്പവകാശ ലംഘനത്തിന്റെ രണ്ട് ഉദാഹരണങ്ങൾ നൽകുക.

അനുവാദമോ അംഗീകാരമോ ഇല്ലാതെ ഒരു പേപ്പറിൽ ഒരു രചയിതാവിന്റെ വാചകം ഉപയോഗിക്കുക ,ഗവേഷകരുടെ പേറ്റന്റ് നേടിയ കണ്ടുപിടിത്തത്തിന്റെ ലൈസൻസ് ഇല്ലാത്ത പകർപ്പുകൾ ലൈസൻസ് ഇല്ലാതെ ലാഭത്തിനായി നിൽക്കുക എന്നിവ പകർപ്പ് അവകാശ ലംഘനങ്ങളുടെ ഉദാഹരണങ്ങളിൽ ഉൾപ്പെടുന്നു.

12:. അക്കാദമിക് സ്ഥാപനങ്ങളിൽ എത്തിക്‌സ് കമ്മിറ്റികളുടെ പങ്ക് എന്താണ്?

ഗവേഷണം ധാർമിക മാനദണ്ഡങ്ങൾക്ക് അനുസൃതമായ ആണെന്ന് ഉറപ്പാക്കുകയും പൂർണ്ണ അറിവോടുകൂടിയുള്ള സമ്മതം നൽകുന്നതിനുള്ള നടപടികൾ അവലോകനം ചെയ്യുകയും പങ്കെടുക്കുന്നവർക്കുള്ള ഗുണങ്ങളും ദോഷങ്ങളും വിലയിരുത്തുകയും മോശം പെരുമാറ്റം ഉണ്ടായി എന്നുള്ള ഏതെങ്കിലും ആരോപണം ഉണ്ടായാൽ അത് അന്വേഷിക്കുകയും ആണ് എത്തിക്സ് കമ്മിറ്റിയുടെ ഉത്തരവാദിത്വം .

Q:13:13. അറിവോടുകൂടിയുള്ള സമ്മതം ഗവേഷണത്തിൽ പ്രധാനമായിരിക്കുന്നത് എന്തുകൊണ്ട്?

പൂർണ്ണ അറിവോടുകൂടിയുള്ള സമ്മതം പങ്കെടുക്കുന്നയാൾ സ്വയം തീരുമാനമെടുത്തതാണെന്ന് ഉറപ്പാക്കുന്നു .അവർക്ക് ഗവേഷണത്തെക്കുറിച്ചും അതിൻറെ പ്രയോജനങ്ങളും ദോഷങ്ങളും മനസ്സിലായെന്നും പങ്കാളിത്തം സ്വമേധയാ ഉള്ളതാണെന്നും ഉറപ്പാക്കുന്നു. ഇത് അവരുടെ അവകാശങ്ങളും ക്ഷേമവും സംരക്ഷിക്കുന്നു.

O:14. ധാർമ്മിക കോഡുകൾ എങ്ങനെയാണ് ഗവേഷണത്തിൽ സമഗ്രത പ്രോത്സാഹിപ്പിക്കുന്നത്?

ഗവേഷണം നൈതികമായി നടത്തുന്നതിനും ഗവേഷകരുടെ പ്രവർത്തനങ്ങളിൽ സത്യസന്ധത, വസ്തുനിഷ്ഠത, സാമൂഹിക ഉത്തരവാദിത്വം, രഹസ്യാത്മകത , എന്നീ മൂല്യങ്ങൾ ഉറപ്പാക്കുന്നതിനും ധാർമിക നിയമാവലികൾ ചില മാനദണ്ഡങ്ങൾ മുന്നോട്ടുവയ്ക്കുന്നു. ഇത് ഗവേഷകരുടെ പ്രവർത്തനങ്ങളിലും തീരുമാനങ്ങളിലും വിശ്വാസം വളർത്താൻ വളരെയധികം സഹായിക്കുന്നു .അതായത് ഗവേഷണ നിയമാവലികൾ പാലിക്കുന്നതിലൂടെ ഗവേഷകർ ഗവേഷണത്തിന്റെ ഗുണനിലവാരവും വിശ്വാസ്യതയും ഉറപ്പാക്കുന്നു. അതുവഴി ഗവേഷണം സമൂഹത്തിന്റെ വികസനത്തിനും പൊതുനന്മയ്ക്കും കാരണമാകുന്നു.

015 :എന്താണ് അക്കാദമിക് സമഗ്രത, അതിൻറെ പ്രാധാന്യമെന്ത്

അധ്യാപനത്തിലും പഠനത്തിലും ഗവേഷണത്തിലും സത്യസന്ധത വിശ്വാസം നീതി പോലുള്ള ധാർമിക മൂല്യങ്ങൾ ഉയർത്തിപ്പിടിക്കുന്നതിന് ആണ് അക്കാദമിക ധാർമികത എന്നതുകൊണ്ട് സൂചിപ്പിക്കുന്നത്. വിദ്യാഭ്യാസത്തിൽ വിശ്വാസതയും പുരോഗതിയും വളർത്തുന്നതിന് ഇത് പ്രധാനമാണ്.

Paragraph Questions

1.അനുയോജ്യമായ ഉദാഹരണങ്ങൾ സഹിതം ഗവേഷണ നൈതികതയുടെ പ്രാധാന്യം ചർച്ച ചെയ്യുക.

അറിവിനായുള്ള അന്വേഷണത്തിൽ ധാർമിക നിലവാരവും ഉത്തരവാദിത്തമുള്ള പെരുമാറ്റവും ഉയർത്തിപ്പിടിക്കാൻ ഗവേഷണ നൈതികത അനിവാര്യമാണ്. ഉദാഹരണത്തിന്, മനുഷ്യരിൽ നടത്തുന്ന പരീക്ഷണങ്ങളിൽ അവരുടെ സമ്മതമില്ലാതെ നടത്തുകയോ അമിതമായ അപകടസാധ്യതയുള്ള നടപടികൾ കൈക്കൊള്ളുകയോ ചെയ്യുന്നത് ഗവേഷണ നൈതികത ലംഘിക്കുന്നു. സത്യസന്ധത, ഉത്തരവാദിത്തം, രഹസ്യസ്വഭാവം, സുതാര്യത തുടങ്ങിയ മാനദണ്ഡങ്ങൾ ഗവേഷണത്തിന്റെ ധാർമ്മികതയും പൊതു വിശ്വാസവും നിലനിർത്തുന്നതിന് അത്യന്താപേക്ഷിതമാണ്. ഗവേഷണത്തിൻ്റെ ഭാഗമാകുന്നവർ ലക്ഷ്യം നേടാനുള്ള ഉപാധികൾ മാത്രമല്ലെന്ന് ഇത് ഓർമ്മിപ്പിക്കുന്നു. ഗവേഷണത്തിൻ്റെ ധാർമ്മികത ഉറപ്പാക്കുന്നതിന് നിരവധി മാർഗ്ഗനിർദ്ദേശങ്ങൾ ഉണ്ട്. മൃഗസംരക്ഷണം, അറിവോടെയുള്ള സമ്മതം, കെട്ടിച്ചമയ്ക്കൽ ഒഴിവാക്കൽ തുടങ്ങിയ മാർഗ്ഗനിർദ്ദേശങ്ങൾ വിശ്വാസ്യത നിലനിർത്തുകയും ഗവേഷണത്തെ സാമൂഹിക നന്മയുമായി ചേർത്തു നിർത്തുകയും ചെയ്യുന്നു. ആനുകൂല്യങ്ങൾ അപകടസാധ്യതകളേക്കാൾ കൂടുതലാണോ എന്ന് പരിശോധിക്കുന്നതിനുള്ള നിർദ്ദേശങ്ങൾ എത്തിക്സ് കമ്മിറ്റികൾ അവലോകനം ചെയ്യുന്നു. Tuskegee syphilis പഠനത്തിൽ ആഫ്രിക്കൻ-അമേരിക്കൻ പങ്കാളികൾക്ക് അനിതിപരമായ പെൻസിലിൻ നിരസിച്ചത് പോലുള്ള ഉദാഹരണങ്ങളിലൂടെ, ഗവേഷണം മെച്ചപ്പെടുത്തുന്നതിന് വേണ്ടിയുള്ള നൈതിക പാഠങ്ങൾ ഗവേഷകർ പഠിക്കുന്നു. ധാർമ്മിക മൂല്യങ്ങൾ പാലിക്കുന്നത് എപ്പോഴും ഗവേഷണത്തെ കൂടുതൽ മാനുഷികവും, ഗുണകരവുമാക്കി മാറ്റുന്നു. ഗവേഷണം സുരക്ഷിതവും സത്യസന്ധവും ആകുമ്പോൾ അത് മനുഷ്യരാശിക്ക് കൂടുതൽ ഗുണം ചെയ്യുന്നു. സാമൂഹിക പ്രശ്നങ്ങൾ പരിഹരിക്കാനും മനുഷ്യജീവിതം മെച്ചപ്പെടുത്താനും ഇതിലൂടെ ഗവേഷണത്തിന് കഴിയുന്നു.

2. വിവിധ തരത്തിലുള്ള കോപ്പിയടികൾ ഉദാഹരണങ്ങൾ സഹിതംവിശദീകരിക്കുക.

ശരിയായ അംഗീകാരമില്ലാതെ മറ്റുള്ളവരുടെ സൃഷ്ടികൾ ഉപയോഗിക്കുന്നത് കോപ്പിയടിയിൽ ഉൾപ്പെടുന്നു. കോപ്പി-പേസ്റ്റ് (കോപ്പിയടി) ഉദ്ധരണികളോ റഫറൻസുകളോ ഇല്ലാതെ വാചകം നേരിട്ട് പകർത്തുന്നു. പാരാ ഫ്രേസിംങ് കോപ്പിയടി ഉള്ളടക്കത്തെ ചെറിയ മാറ്റങ്ങളോടെ പുനരാവിഷ്‌കരിക്കുന്നു, പക്ഷേ ഇത് അവലംബം കൂടാതെ ഘടനയും അർത്ഥവും നിലനിർത്തുന്നു. സ്വയം കോപ്പിയടി ഒരാളുടെ മുൻ സൃഷ്ടികൾ

അനുമതിയില്ലാതെ പുതിയ രചനകളിൽ വീണ്ടും ഉപയോഗിക്കുന്നു. പാച്ച് വർക്ക് കോപ്പിയടി, ഒന്നിലധികം ഉറവിടങ്ങളിൽ നിന്നുള്ള ഉദ്ധരണികൾ അവ എവിടെ നിന്ന് എന്ന്

ഉദ്ധരിക്കാതെ ഒരു പുതിയ പേപ്പറായി ഒരുമിച്ച് ചേർക്കുന്നു. ഉദ്ധരണികൾ ഇല്ലാത്തത് പോലെയുള്ള അനുചിതമായ പരാമർശത്തിൽ നിന്നാണ് ആകസ്‌മികമായ കോപ്പിയടി ഉണ്ടാകുന്നത്. ഉദാഹരണത്തിന്, ഒരു ഗവേഷകൻ മറ്റൊരു ലേഖനത്തിൽ നിന്ന് ഒരു വലിയ വാചകം സ്വന്തം വിശകലനമായി അവതരിപ്പിക്കുന്നത് കോപ്പി-പേസ്റ്റ് കോപ്പിയടിയ്ക്ക് കാരണമാകുന്നു. അത്പോലെ തന്നെ ഒരു ആശയത്തിൻ്റെയോ സിദ്ധാന്തത്തിന്റേയോ ഉറവിടം ഉദ്ധരിക്കുന്നതിൽ പരാജയപ്പെടുന്നത് പാരാഫ്രേസിംഗ് കോപ്പിയടി ആണ്. ഉറവിടങ്ങൾ ഉദ്ധരിച്ച് കോപ്പിയടി ഒഴിവാക്കി തങ്ങളുടെ എഴുത്ത് യാഥാർത്ഥ്യവും വിശ്വസനീയവുമാക്കാൻ സാധിക്കും.

3. ഗവേഷണ നൈതികത പാലിക്കുന്നത് അക്കാദമിയയിലെസമഗ്രത എങ്ങനെ ഉയർത്തുന്നു?

ഗവേഷണത്തിൽ ഏർപ്പെടുന്നവരുടെ പൂർണ്ണ അറിവോടുകൂടിയുള്ള സമ്മതം അവരുടെ വ്യക്തിത്വത്തെ മാനിക്കുകയും അവരെ ദോഷകരമായ അവസ്ഥകളിൽ നിന്ന് സംരക്ഷിക്കുകയും ചെയ്യുന്നു. കണ്ടെത്തലുകൾ കൃത്യമായി റിപ്പോർട്ടുചെയ്യുന്നതും ഗവേഷകരുടെ സംഭാവനകൾ അംഗീകരിക്കുന്നതും പഠനത്തിൽ സമഗ്രത പ്രകടമാക്കുന്നു. കൃത്രിമത്വവും കോപ്പിയടിയും ഒഴിവാക്കുന്നത് ഡാറ്റയുടെ വിശ്വാസ്യതയും മൗലികതയും നിലനിർത്തുന്നു. രഹസ്യാത്മകതാ മാർഗ്ഗനിർദ്ദേശങ്ങൾ അതുപോലെ പാലിക്കുന്നത് സ്വകാര്യത സംരക്ഷിക്കുകയും വിശ്വാസം വളർത്തുകയും ചെയ്യുന്നു. കൃത്യമായ റെക്കോർഡ് സൂക്ഷിക്കൽ സുതാര്യത വർദ്ധിപ്പിക്കുന്നു. ഉദ്ധരണികളിലൂടെ സ്രോതസ്സുകൾ ക്രെഡിറ്റ് ചെയ്യുന്നത് വിനയത്തെയും നൈതികതയെയും പ്രതിഫലിപ്പിക്കുന്നു. ചെയ്യുന്ന ജോലി ഉയർന്ന നിലവാരമുള്ളതും വീണ്ടും പരീക്ഷിച്ച് തെളിയിക്കാവുന്നതും ധാർമ്മികമായ രീതിയിൽ സൃഷ്ടിക്കപ്പെട്ടതുമാണെന്ന് ഗവേഷണ ധാർമ്മികത ഉറപ്പാക്കുന്നു. ഇത് വ്യക്തിയുടെയും സ്ഥാപനത്തിൻ്റെയും പ്രശസ്തി ഉയർത്തിപ്പിടിക്കുന്നു, സത്യത്തിനായുള്ള അന്വേഷണത്തെ സാധൂകരിക്കുന്നു. പ്രക്രിയയിലെ ധാർമ്മികത ഫലത്തിലെ ധാർമ്മികതയിലേക്ക് നയിക്കുന്നു.

4. നൈതിക അവലോകന ബോർഡുകളുടെ (Ethics Review board)പങ്കിനെക്കുറിച്ചും അവയുടെ അധികാരങ്ങളും പരിമിതികളും ചർച്ച ചെയ്യുക.

പ്രോജക്റ്റുകൾ തുടരുന്നതിന് മുമ്പ്, ഗവേഷണ പ്രൊപ്പോസലുകൾ ധാർമ്മിക നിയന്ത്രണങ്ങൾ പാലിക്കുന്നുണ്ടോ എന്ന് പരിശോധിക്കുന്ന സ്വതന്ത്ര സമിതികളാണ് എത്തിക്സ് (നൈതികത) അവലോകന ബോർഡുകൾ. അപകടസാധ്യതകളും പ്രയോജനങ്ങളും വിലയിരുത്തുക, ഗവേഷണത്തിൽ ഏർപ്പെടുന്നവരുടെ അറിവോടുകൂടിയുള്ള സമ്മതത്തിലൂടെ ഗവേഷണത്തിൻ്റെ പെരുമാറ്റ ചട്ടങ്ങളും അപകടസാധ്യതകളും വ്യക്തമായി അറിയിക്കുന്നുവെന്ന് ഉറപ്പാക്കുക, ഉചിതമായ നഷ്ടപരിഹാരം ഉറപ്പുവരുത്തുക എന്നിവയാണ് ഇതിൻ്റെ കടമ. ആവശ്യമായ നിരീക്ഷണ നടപടികൾ വേണമെന്ന് അവർക്ക് ആവശ്യപ്പെടാം, അല്ലെങ്കിൽ പരിരക്ഷകൾ വർദ്ധിപ്പിക്കുന്നതിന് പുനരവലോകനങ്ങൾ നടത്താനും അവർക്ക് സാധിക്കും. എന്നിരുന്നാലും, നടന്നുകൊണ്ടിരിക്കുന്ന പഠനങ്ങൾ നിരീക്ഷിക്കുന്നതിൽ അവലോകന ബോർഡുകളുടെ സ്വാധീനം പരിമിതമാണ്. അവ ഗവേഷകരുടെ ധാർമ്മികതയെ ആശ്രയിച്ചിരിക്കുന്നു. ഗവേഷണം നിരസിക്കുന്നതിലൂടെ അനീതിപരമായ പദ്ധതികളെ തടയാനാകുമെങ്കിലും, പിന്നീട് കണ്ടെത്തുന്ന ലംഘനങ്ങൾക്ക് നേരിട്ട് പിഴ ചുമത്താൻ ബോർഡുകൾക്ക് കഴിയില്ല, അവ ഫണ്ടിംഗ് ഏജൻസികൾക്കോ ജേർണലുകൾക്കോ റിപ്പോർട്ട് ചെയ്യാൻ മാത്രമേ കഴിയൂ. കൂടാതെ, ഗവേഷണത്തെ അനിശ്ചിതമായി തടയുകയല്ല നിർദ്ദേശങ്ങൾ നൽകി മെച്ചപ്പെടുത്തുകയാണ് ഇതിലൂടെ ലക്ഷ്യമിടുന്നത്. അവരുടെ മേൽനോട്ടം മാനവിക വിഷയങ്ങളെ സൂക്ഷ്‌മമായി പരിശോധിക്കാനും വിലയിരുത്താനുമുള്ള അവസരം നൽകുന്നു.

5. കോപ്പിയടി പരിശോധിക്കുന്നതിന് നിങ്ങൾ ഒരു ലേഖനത്തെ എങ്ങനെ വിലയിരുത്തുമെന്നും നിങ്ങളുടെ സ്വന്തം സൃഷ്ടിയിൽ അത് ഒഴിവാക്കാനുള്ള എന്ത് നടപടികളെടുക്കുമെന്നും ചർച്ച ചെയ്യുക

പ്രബന്ധത്തിന്റെ മൗലികത പരിശോധിക്കാൻ ടർണിറ്റിൻ, പ്ലാഗ്‌സ്‌കാൻ, യൂണിചെക്ക് പോലുള്ള സോഫ്റ്റ് വെയറുകൾ ആണ് പൊതുവെ ഉപയോഗിക്കുന്നത്. അവ മൗലികമല്ലാത്ത ആശയങ്ങളെ കണ്ടെത്തുന്നതിന് ശേഖരിക്കപ്പെട്ട ഡാറ്റാ ബേസുകളിലെ വിവരങ്ങളുമായി താരതമ്യം ചെയ്യുന്നു. രചനാ ശൈലിയിലെ പൊരുത്തക്കേടുകൾ, സ്ഥിതി വിവരക്കണക്കുകൾക്കോ മറ്റുള്ളവരുടെ ആശയങ്ങൾക്കോ കൃത്യമായ അവലംബങ്ങൾ നൽകാതിരിക്കൽ, വ്യത്യസ്തമായ ഫോണ്ടോ ഫോർമാറ്റിംഗോ ഉള്ള വലിയ തോതിലുള്ള ടെക്സ്റ്റ് തുടങ്ങിയ പ്രശ്നങ്ങളെല്ലാം ഇതിലൂടെ കണ്ടെത്തപ്പെടുന്നു. കോപ്പിയടിച്ചതായി സംശയിക്കപ്പെടുന്ന ഭാഗങ്ങളുടെ യഥാർത്ഥ ഉറവിടം കണ്ടെത്താൻ ഗൂഗിൾ സ്കോളർപോലുള്ള സോഫ്റ്റ് വെയറുകളിൽ പ്രധാന വാചകങ്ങൾ ഉപയോഗിച്ച് സെർച്ച്‌ ചെയ്യുന്നതിലൂടെ സാധിക്കും. മറ്റൊരാളുടെ ആശയത്തിൽ കൃത്യമായ റഫറൻസുകളോ, ഉദ്ധരണികളോ ഇല്ലാതെ ഗവേഷണത്തിൽ ഉപയോഗിക്കപ്പെട്ട ആശയങ്ങൾ കോപ്പി ചെയ്യപ്പെട്ടവയായി കണക്കാക്കുന്നു. ഇത് ഒഴിവാക്കാൻ കൃത്യമായ റെഫറൻസിങ്

ആവശ്യമാണ്. ഗവേഷണത്തിൻ്റെ ഭാഗമായി കുറിപ്പുകൾ തയ്യാറാക്കുന്ന ഘട്ടത്തിൽ തന്നെ കൃത്യമായ റഫറൻസിങ് ശൈലി പിന്തുടരണം. അതുകൂടാതെ, മറ്റുള്ളവരുടെ വാചകം പകർത്തുന്നതിനുപകരം സ്വന്തം വാക്കുകളിൽ അവയെ വ്യഖ്യാനിക്കുന്നത് ഒരു പരിധിവരെ കോപ്പിയടിയുമായി ബന്ധപ്പെട്ട പ്രശ്നങ്ങൾ പരിഹരിക്കും. മറ്റൊരാളുടെ ആശയം അതുപോലെ പകർത്തേണ്ടിവരുമ്പോൾ ഉദ്ധരണി ചിഹ്നത്തിനകത്ത് നൽകുകയും അതിന്റെ ഉറവിടം കൃത്യമായി രേഖപ്പെടുത്തുകയും ചെയ്യണം. ഇതിൽ നിന്നും വ്യത്യസ്തമായി മറ്റൊരാളുടെ ആശയം അതിന്റെ ആശയത്തെ നിലനിർത്തിക്കൊണ്ട് മറ്റൊരു ഭാഷയിൽ ആവിഷ്കരിക്കാൻ ഗവേഷണത്തിൽ സാധിക്കും. ഈ ആശയത്തിനും കടപ്പാട് രേഖപ്പെടുത്തേണ്ടതുണ്ട്. അതിനാൽ കൃത്യമായ ഉറവിടം അനുബന്ധത്തിൽ നൽകണം. എങ്കിൽ മാത്രമേ കോപ്പിയടിയിൽ നിന്നും അവയെ ഒഴിവാക്കാൻ സാധിക്കു. ഏതൊരു ആശയവും കടംകൊള്ളുന്നതാണെങ്കിൽ അതിൻ്റെ ഉറവിടം നൽകാൻ ഗവേഷകർ ബാധ്യസ്ഥരാണ്. കൃത്യമായ റെഫറൻസിങ് ശൈലി ഗവേഷണത്തിൽ പിന്തുടർന്ന് കൊണ്ട് പ്ലേജിയറിസത്തിന്റെ (കോപ്പിയടി)പ്രശ്നങ്ങളും മറികടക്കാൻഗവേഷകർക്ക് സാധിക്കുന്നതാണ്.

Essay Question

മനുഷ്യർ ഉൾപ്പെടുന്ന ഗവേഷണത്തിൽ ഗവേഷകർ നേരിടുന്ന ധാർമ്മിക പ്രശ്നങ്ങൾ എന്തൊക്കെയാണ്? പരിഹരിക്കാനുള്ള നടപടികൾ നിർദ്ദേശിക്കുക

മനുഷ്യനെ ഉൾപ്പെടുത്തി ചെയ്യുന്ന ഗവേഷണങ്ങൾ ധാരാളം ധാർമിക പ്രശ്നങ്ങളെ അഭിമുഖീകരിക്കുന്നു

അറിവോടെയുള്ള സമ്മതം - പങ്കെടുക്കാൻ സമ്മതിക്കുന്നതിന് മുമ്പ് പങ്കെടുക്കുന്നവർ

പഠനത്തിന്റെ ഉദ്ദേശ്യം, നടപടിക്രമങ്ങൾ, ആവശ്യങ്ങൾ, അപകടസാധ്യതകൾ, നേട്ടങ്ങൾ എന്നിവ പൂർണ്ണമായി മനസ്സിലാക്കണം. എല്ലാ സാങ്കേതിക വശങ്ങളും സങ്കീർണ്ണമായ ആശയങ്ങളും ലളിതവും എളുപ്പത്തിൽ മനസ്സിലാക്കാവുന്നതുമായ ഭാഷയിൽ വ്യക്തമായി വിശദീകരിക്കാൻ ഗവേഷകർക്ക് കടമയുണ്ട്. വെളിപ്പെടുത്തിയ വിശദാംശങ്ങളുടെ നിലവാരവും സമ്മതപ്രക്രിയയും മതിയായതാണെന്ന് ഉറപ്പാക്കാൻ ഒരു എത്തിക്സ‌് കമ്മിറ്റിയുടെ അവലോകനം ആവശ്യമാണ്.

സ്വകാര്യതയും രഹസ്യാത്മകതയും പങ്കെടുക്കുന്നവരുടെ ഐഡൻ്റിറ്റി, വ്യക്തിഗത വിവരങ്ങൾ, രേഖകൾ, സ്വകാര്യത എന്നിവ സുരക്ഷിതവും രഹസ്യാത്മകവുമായി സൂക്ഷിക്കണം. പങ്കെടുക്കുന്നവരെ സംരക്ഷിക്കുന്നതിനായി പേരുകൾ, ബന്ധപ്പെടാനുള്ള വിവരങ്ങൾ, തിരിച്ചറിയൽ വിശദാംശങ്ങൾ എന്നിവ ഏതെങ്കിലും പൊതു റിപ്പോർട്ടുകളിലോ പ്രസിദ്ധീകരിക്കുന്ന പേപ്പറുകളിലോ രേഖപ്പെടുത്തരുത്. ഡാറ്റയിലേക്കും റെക്കോർഡുകളിലേ ക്കുമുള്ള ആക്‌സസ് കോർ ടീം അംഗങ്ങൾക്ക് ആവശ്യമായ അറിവിന്റെ അടിസ്ഥാനത്തിൽ മാത്രമായിരിക്കണം. രേഖകൾ സുരക്ഷിതമായി സൂക്ഷിക്കുന്നത് അനധികൃത ഉപയോഗവും ചോർച്ചയും തടയുന്നു.

അപകടസാധ്യതയുള്ള - പരീക്ഷണാത്മക മരുന്നുകൾ, കഠിനമായ ശാരീരിക ജോലികൾ,

ആക്രമണാത്മക നടപടിക്രമങ്ങൾ, അല്ലെങ്കിൽ വിഷവസ്തു‌ക്കൾ/രോഗാണുക്കൾ എന്നിവയുമായി സമ്പർക്കം പുലർത്തുന്ന പഠനങ്ങൾക്ക് ആന്തരികമോ ശാരീരികമോ മാനസികമോ ആയ അപകടസാധ്യതകളുണ്ട്. ഇത്തരം സാധ്യതകളുടെ ദോഷങ്ങൾ ഗവേഷണ സമൂഹം വാഗ്ദാനം ചെയ്യുന്ന നേട്ടങ്ങളെക്കാൾ കൂടുതലല്ലെന്ന് ഗവേഷകർ ഉറപ്പാക്കണം. ദോഷം കുറയ്ക്കുന്നതിന് നിരന്തരമായ റിസ്ക്-ബെനിഫിറ്റ് വിശകലനം ആവശ്യമാണ്.

ദുർബലരായ ജനവിഭാഗങ്ങൾ - കുട്ടികൾ, രോഗികൾ/വികലാംഗർ, പ്രായമായവർ, അല്ലെങ്കിൽ സാമ്പത്തികമായി/വിദ്യാഭ്യാസപരമായി പിന്നോക്കം നിൽക്കുന്നവർ എന്നിങ്ങനെയുള്ള പങ്കാളിത്ത ഗ്രൂപ്പുകൾക്ക് ക്ഷീണം, അസ്വാസ്ഥ്യം, തെറ്റിദ്ധാരണ, ബലപ്രയോഗം അല്ലെങ്കിൽ ചൂഷണം എന്നിവ ഉണ്ടാകാനുള്ള സാധ്യത കൂടുതലാണ്. അത്തരം ദുർബലരായ ജനവിഭാഗങ്ങൾക്ക് അവരുടെ സാഹചര്യങ്ങൾ കാരണം അമിത ക്ലേശം ഉണ്ടാകാതിരിക്കാൻ അധിക സംരക്ഷണം ആവശ്യമാണ്.

ഈ ആശങ്കകൾ പരിഹരിക്കാൻ ഗവേഷകർക്ക് ധാർമ്മിക ഉത്തരവാദിത്തമുണ്ട്: റിസ്ക് ലെവലും അറിവോടെയുള്ള സമ്മത രൂപകൽപ്പനയും സംബന്ധിച്ച നൈതിക സമിതി അവലോകനത്തിന് വിധേയമാകുക, പങ്കെടുക്കുന്നവരെ പിഴ കൂടാതെ എപ്പോൾ വേണമെങ്കിലും പഠനത്തിൽ നിന്ന് പിന്മാറാൻ അനുവദിക്കുക, വിവരങ്ങൾ രഹസ്യമായി സൂക്ഷിക്കുക, ഏതെങ്കിലും പരിക്കുകൾക്ക് വൈദ്യസഹായം നൽകുകയും കൂടുതൽ സമയം ചിലവഴിക്കുന്നതിന് ഉചിതമായ നഷ്ടപരിഹാരം നൽകുകയും ചെയ്യുക, വിവേചനം തടയുന്നതിന് ജനസംഖ്യാശാസ്ത്രപരമായി വൈവിധ്യമാർന്ന ജനസംഖ്യാസാമ്പിളുകൾ ഉൾപ്പെടുത്തുക, പങ്കാളികളുടെ ഡാറ്റ തുടർച്ചയായി നിരീക്ഷിക്കുക, ദോഷം നേട്ടങ്ങളേക്കാൾ കൂടുതലാണെന്ന് കണ്ടെത്തിയാൽ പരീക്ഷണങ്ങൾ നിർത്തുക എന്നീ മാർഗങ്ങൾ ഇതിനായി അവലംബിക്കാം.

2. ബൗദ്ധിക സ്വത്തവകാശ സംരക്ഷണം എങ്ങനെ നവീകരണത്തെയും സർഗ്ഗാത്മകതയെയും ഉത്തേജിപ്പിക്കുന്നു? ഉദാഹരണങ്ങൾ സഹിതം ചർച്ച ചെയ്യുക.

ബൗദ്ധിക സ്വത്തവകാശ നിയമത്തിലൂടെ പേറ്റന്റുകൾ വ്യാപാരമുദ്രകൾ ,വ്യാവസായിക ഡിസൈൻ, പകർപ്പ് അവകാശങ്ങൾ , എന്നിവ പോലുള്ള മൗലികമായ കണ്ടുപിടിത്തങ്ങൾക്കും

സൃഷ്ടികൾക്കും മേൽ നിയമപരമായ അവകാശം അതിൻ്റെ സ്രഷ്ടാവിന് നൽകുന്നു. ഇതിലൂടെ ആ വ്യക്തിയ്ക്ക് ലഭിക്കുന്ന പ്രോത്സാഹനങ്ങളും അയാളുടെ ബൗദ്ധികശേഷിയെ ഉയർത്തുകയും കൂടുതൽ സൃഷ്ടികൾക്ക് പ്രേരിപ്പിക്കുകയും ചെയ്യും:

നിക്ഷേപത്തിന് പ്രോത്സാഹനം നൽകുന്നു: പേറ്റൻ്റുകൾ പോലുള്ള ഐപി അവകാശങ്ങൾ കണ്ടുപിടുത്തക്കാർക്ക് ഒരു നിശ്ചിത കാലയളവിലേക്ക് അവരുടെ നൂതനാശയങ്ങൾ നിർമ്മിക്കുന്നതിനും ഉപയോഗിക്കുന്നതിനും വിൽക്കുന്നതിനും പ്രത്യേക നിയന്ത്രണം നൽകുന്നു. ഗവേഷണം, വികസനം, വാണിജ്യവൽക്കരണം എന്നിവയ്ക്കായി അവർ നടത്തിയിട്ടുള്ള നിക്ഷേപങ്ങളുടെ പൂർണ്ണമായ മാർക്കറ്റ് നേട്ടങ്ങളും വാണിജ്യപരമായ വരുമാനവും കൊയ്യാൻ ഇത് സംരംഭകരെ അനുവദിക്കുന്നു. ഉദാഹരണത്തിന്, പുതിയ മരുന്ന് ഫോർമുലേഷനുകളുടെ പരിരക്ഷകൾ, നിശ്ചിത കാലയളവിലെ ജനറിക് പതിപ്പുകൾ തടയുന്നതിലൂടെ ഗണ്യമായ ഗവേഷണ-വികസന ചെലവുകൾ വീണ്ടെടുക്കാൻ ഫാർമസ്യൂട്ടിക്കൽ കമ്പനികളെ പ്രാപ്തരാക്കുന്നു.

വെളിപ്പെടുത്തൽ പ്രോത്സാഹിപ്പിക്കൽ : IP നിയമ പരിരക്ഷകൾക്ക് പകരമായി, സംരംഭകർ അവരുടെ നൂതനാശയത്തിൻ്റെ സാങ്കേതിക വിശദാംശങ്ങൾ വെളിപ്പെടുത്തണം, അല്ലാത്തപക്ഷം രഹസ്യമായി സൂക്ഷിക്കപ്പെടാം. അറിവിന്റെ പൊതുസഞ്ചയത്തിലേക്കുള്ള ഈ വെളിപ്പെടുത്തൽ, കണ്ടുപിടിത്തത്തെ കുറിച്ച് കൂടുതൽ പഠിക്കാനും സാങ്കേതിക വിദ്യയുടെ പുരോഗതിക്കായി അത് മെച്ചപ്പെടുത്താനും മറ്റുള്ളവരെ അനുവദിക്കുന്നു. പേറ്റൻ്റ് നേടിയ മെഷ്യൻ്റെ രൂപകൽപ്പനയും പ്രവർത്തനങ്ങളും അത് മെച്ചപ്പെടുത്താൻ ആഗ്രഹിക്കുന്ന മറ്റ് എഞ്ചിനീയർമാർക്ക് വിശകലനം ചെയ്യാൻ കഴിയും.

അംഗീകാരം നൽകൽ : പകർപ്പവകാശം അല്ലെങ്കിൽ വ്യാപാരമുദ്ര പോലുള്ള IP നിയമങ്ങൾ അനധികൃതമായ ഉപയോഗമോ പകർത്തലോ തടയുന്നു, അതോടൊപ്പം രചയിതാക്കൾക്ക് അവരുടെ വൈജ്ഞാനിക സ്വത്തിൻ്റെ ഔദ്യോഗികവും നിയമപരവുമായ അംഗീകാരം നൽകുന്നു. പകർപ്പവകാശ നിയമങ്ങൾ, സൃഷ്ടികളുടെ അനധികൃത ഉപയോഗം തടയുകയും രചയിതാക്കൾക്ക് ന്യായമായ അംഗീകാരം ഉറപ്പ് നൽകുകയും ചെയ്യുന്നു. ഇതുപോലെ വ്യാപാരമുദ്രാ നിയമങ്ങളും ഗവേഷകർക്ക് അവരുടെ ബ്രാൻഡ് അംഗീകാരം വർദ്ധിപ്പിക്കാനും ഉപഭോക്താക്കളിൽ വിശ്വാസം വളർത്താനും സഹായിക്കുന്നു. ഇതിലൂടെ ഗവേഷകർക്ക് ബ്രാൻഡ് റോയൽറ്റി വർദ്ധിപ്പിക്കാനും വിപണിമൂല്യം ഉയർത്താനും സാധിക്കുന്നു.

ഫണ്ടിംഗ് സുരക്ഷിതമാക്കൽ : ബൗദ്ധിക സ്വത്തവകാശ നിയമങ്ങൾ, കണ്ടുപിടിത്തങ്ങൾക്ക് നിയമപരമായ സംരക്ഷണവും വാണിജ്യവൽക്കരിക്കാനുള്ള അവസരവും നൽകുന്നതിലൂടെ നിക്ഷേപകർക്ക് ആത്മവിശ്വാസം വർദ്ധിപ്പിക്കാനും നൂതന പദ്ധതികളിൽ മുതൽ മുടക്കാനും സഹായിക്കുന്നു. ഉദാഹരണത്തിന്, ഒരു ബയോടെക് സ്റ്റാർട്ടപ്പിന്റെ പേറ്റൻ്റെള്ള ബയോ എഞ്ചിനീയറിംഗ് വിള ഇനങ്ങൾ മറ്റുള്ളവർ പകർത്തുകയോ മോഷ്ടിക്കപ്പെടുകയോ ചെയ്യില്ലെന്ന് അറിയുന്നതുവഴി അവർക്ക് സംരംഭക മൂലധനം ആകർഷിക്കാൻ കഴിയും.

തുടർച്ചയായ നവീകരണം: നൂതന ആശയങ്ങൾ സമൂഹത്തിൽ പ്രവഹിപ്പിക്കുന്നതിനും തുടർച്ചയായ നവീകരണത്തിന് അടിത്തറ പാകുന്നതിനു ബൗദ്ധിക സ്വത്തവകാശ നിയമങ്ങൾ നിർണ്ണായക പങ്ക് വഹിക്കുന്നു. ഒരു നിശ്ചിത സമയപരിധിയ്ക്ക് ശേഷം IP അവകാശങ്ങളുടെ കാലാവധി പൂർത്തിയാകുമ്പോൾ പൊതു ഇടത്തിൽ ആശയങ്ങൾ ലഭ്യമാകുന്നു. ഇത് മറ്റ് ഗവേഷകർക്ക് വിലപ്പെട്ട വിവരങ്ങൾ ലഭ്യമാക്കുകയും തുടർന്നുള്ള ഗവേഷണത്തിനും വികസനത്തിനും വഴിയൊരുക്കുകയും ചെയ്യുന്നു. ഉദാഹരണത്തിന്, ഒരു സാഹിത്യകാരിയുടെ കൃതി അതിൻ്റെ പകർപ്പവകാശ സംരക്ഷണമുള്ള കാലത്ത പൊതുവായുള്ള വിജ്ഞാനസഞ്ചയത്തിൽ എത്തുന്നതോടെ, അത് സിനിമയാക്കാനോ അതിൽ നിന്ന് മറ്റ് സാഹിത്യസൃഷ്ടികൾ നടത്താനോ ഉള്ള അവസരമാണ് ലഭിക്കുന്നത്.

.3. മെഡിക്കൽ ഗവേഷണ അഭിപ്രായത്തിനായി മൃഗങ്ങളെ ഉപയോഗിക്കുന്നതിലെ ധാർമ്മിക പ്രശ്നങ്ങൾ വിമർശനാത്മകമായി വിലയിരുത്തുക.

മെഡിക്കൽ ഗവേഷണത്തിനായി മൃഗങ്ങളെ ഉപയോഗിക്കുന്നത് നിരവധി ധാർമ്മിക ആശങ്കകൾ ഉയർത്തുന്നു:

വേദനയും ഞെരുക്കവും:

പരീക്ഷണാത്മക നടപടിക്രമങ്ങളിൽ പലപ്പോഴും പരീക്ഷണാത്മക സംയുക്തങ്ങൾ, റേഡിയേഷൻ എക്സ്പോഷർ, ശസ്ത്രക്രിയ, അല്ലെങ്കിൽ പരീക്ഷണത്തിൽ പങ്കെടുക്കുന്ന മൃഗങ്ങളിൽ കാര്യമായ വേദന, ശാരീരിക ഉപദ്രവം, മാനസിക ക്ലേശം എന്നിവ ഉണ്ടാക്കുന്ന വിഷ പദാർത്ഥങ്ങൾ നൽകുന്നത് എന്നിവയെല്ലാം ഉൾപ്പെടുന്നു. ഇത് മൃഗങ്ങളുടെ അടിസ്ഥാന ക്ഷേമ അവകാശങ്ങൾക്ക് വിരുദ്ധമാണ്.

സ്പീഷിസിസം: - പിടികൂടുന്ന മൃഗങ്ങളെ മനുഷ്യ താൽപ്പര്യങ്ങൾ സംരക്ഷിക്കുന്നതിനായി മാത്രം ഉപയോഗിക്കുന്നത് മറ്റ് ജീവിവർഗങ്ങളെ അപേക്ഷിച്ച് മനുഷ്യൻ്റെ ശ്രേഷ്ഠതയിലുള്ള വിശ്വാസത്തെ പ്രതിഫലിപ്പിക്കുന്നു. എന്നാൽ എല്ലാ ജീവജാലങ്ങൾക്കും വേദനയറിയാനാകും, അവയ്ക്ക് അന്തസ്സിനും ധാർമ്മിക പരിഗണനയ്ക്കുമുള്ള അവകാശവുമുണ്ട്. എന്നാൽ മൃഗങ്ങൾക്ക് അവരുടെ അവകാശങ്ങൾ സംരക്ഷിക്കാൻ കഴിയില്ല.

സമ്മതം നൽകാനുള്ള കഴിവില്ലായ്‌മ - ഗവേഷണത്തിൽ പങ്കെടുക്കാൻ മൃഗങ്ങൾക്ക് തങ്ങളുടേതായ സമ്മതം നൽകാൻ കഴിയില്ല, അതിനാൽ ജീവജാലങ്ങൾ എന്ന നിലയിൽ അവയുടെ അവകാശങ്ങൾ അവഗണിക്കപ്പെടുന്നു. സ്വാതന്ത്ര്യമില്ലാത്ത പൊതു സ്വത്തായി മനുഷ്യർ അവയെ കണക്കാക്കുന്നു.

പരിവർത്തന പരാജയം: - മൃഗങ്ങളുടെ മാതൃകകളിൽ വിജയകരമായി പരീക്ഷിച്ച 90%

പുതിയ മരുന്ന് പരീക്ഷണങ്ങളും മനുഷ്യരുടെ ക്ലിനിക്കൽ പരീക്ഷണങ്ങളിൽ പരാജയപ്പെടുന്നു, കാര്യമായ ശാരീരിക വ്യത്യാസങ്ങൾ കാരണം കണ്ടെത്തലുകൾ മനുഷ്യ ജീവശാസ്ത്രത്തിലേക്കും വൈദ്യശാസ്ത്രത്തിലേക്കും കൃത്യമായി പരിവർത്തനം ചെയ്യുന്നില്ലെന്ന് ഇത് സൂചിപ്പിക്കുന്നു. അതിനാൽ മൃഗങ്ങൾക്ക് അതിയായ യാതന നൽകുന്ന പരീക്ഷണങ്ങളുടെ ഫലങ്ങൾ യഥാർത്ഥത്തിൽ വളരെ കുറച്ച് പ്രയോജനം മാത്രമേ നൽകുന്നുള്ളൂ.

ജീവികൾക്ക് വേദനയും ദുരിതവും കഷ്ടതകളും അനുഭവിക്കാനാകും എന്നതിനാൽ, അവയുടെ സ്പീഷീസ് പരിഗണിക്കാതെ തന്നെ ചില തലത്തിലുള്ള ധാർമ്മിക അവകാശമുണ്ട്. സാധ്യമായ സാഹചര്യങ്ങളിൽ, മൃഗങ്ങളെ ഉപയോഗിക്കുന്നതിന് പകരം, കമ്പ്യൂട്ടർ മോഡലുകൾ, സെൽ കൾച്ചറുകൾ, സന്നദ്ധരായ മനുഷ്യ സന്നദ്ധപ്രവർത്തകർ എന്നിവ പോലുള്ള ബദലുകൾ ഉപയോഗിക്കേണ്ടതാണ്. നല്ല ബദലുകളില്ലാത്ത നിർണായക മെഡിക്കൽ ഗവേഷണ മേഖലകൾക്കായി മൃഗങ്ങളെ ധാർമ്മികമായി ഉപയോഗിക്കാം, എന്നാൽ കഠിനമായ നിയന്ത്രണത്തിലും മേൽനോട്ടത്തിലും, കഷ്ടപ്പാടുകൾ കുറയ്ക്കാനും മൃഗങ്ങളുടെ എണ്ണം പരമാവധി കുറയ്ക്കാനുമുള്ള നടപടികൾ കൈക്കൊണ്ടും ധാർമ്മികത നിലനിർത്തിയും വേണം മൃഗങ്ങളിൽ പരീക്ഷണം നടത്താൻ. അറിവ് കൈവരിക്കാനുള്ള ശ്രമവും മറ്റു ജീവികളോടുള്ള കരുതലും സന്തുലിതമായി നിലനിർത്താൻ നമുക്ക് കഴിയണം.